In ’t dialect van Hazebroek (Frankriek):



't Sneêuwt

Zelve nuus Vlanderen è nie espaord ewest
Een wintermantel is daor en van den Oôst’oek toet West
De velden zien vul sneêuw en de joengens zien bliede
Een witten kortemaond maokt vele menschen bliede.


Kindjes liek overtied gaon een ‘eêln dag kunn speeln
Gaon sneêuwboln en sneêuwmann kunn maokn en vermaokn
Sliern op de pitn en in de kleene straotjes
Misschiens loôpn naor ‘uus en vaollen op nulder gatjes.


Maor vele oùde menschen gaon bluuvn bie de stoovn
Klaogen van 't weer en de gazette geloovn
En speeln mee kaortn en klapn van d’oorloge
Zyder waorn joengens en 't sneêuw was toen dát ‘oôge.


Sneeuwkloksjes en blomn gaon uutkomn in nuus ‘of
Moet leevn mee ‘oope; onder 't sneêuw is ’t koôl’of
M' èn aol joengens ewest en bliede van dat weere
Me gaon aol oùd komn en benauwd zien van ’t weere.






Bron : http://people.zeelandnet.nl/evenhuis/noe10.htm