Zaterdag 31 maart 2012 : gemeenschappelijke manifestatie in Rijsel voor de erkenning van het Vlaams en het Picardisch

Onze admin - op zijn blog den draed - schreef:

31 maart 2012 – Betoging voor het onderwijs van het Frans-Vlaams in Rijsel

Om druk uit te oefenen op de onderwijsinspectie van Noord-Frankrijk en op de minister van onderwijs die de verdere ontwikkeling van het Frans-Vlaams in het onderwijs tegenhouden, hebben de ANVT en de verschillende verenigingen die de ANVT samenstellen beslist om op 31 maart 2012 in Rijsel te betogen.

De betoging vertrekt om 10.00 vanuit het gebouw van de onderwijs inspectie en loopt tot de prefectuur.
(...)

Volledig artikel

ANVT schreef:
Mevrouwe de Rectrice van d'Akademie van Rysel en Meneer den Minister van 't Schoole en doen nieten om nuuze streeketaele. Z'hen nog minder edaen of passeerde jaer !

de Rectrice van d'Akademie

D'associaesjen van d'Akademie voor Nuuze Vlaemsche Taele en d'Ingevooisde Menschen dien de petysje "Ja om het vlaemsch" (www.anvt.org) eteeken hen, hen beschikt (in den kaeder van den nationaelen dag om de streeketaelen in 't schoole, mee d'helpe van de FSPS : Federaesje om de Streeketaelen in 't Puublyk Schoole)

van een manifestaesje t'oprichten,
zaeterdag den 31sten van maertemaend naer Rysel
om dat 't vlaemsch en 't patoosch eleerd kun zyn in 't schoole
en om een wet te krygen om nuuze streeketaelen.

Komt maer mee vriend, kinders en maets !

Om dat de menschen nie slechte gedachten en hen, m' en wullen geen vlaeken zien, maer djuust plakkaerds mee daerop eschreeven « Le droit à l’enseignement du flamand pour nos enfants », « Het Vlaemsch voor nuuze joungens in ‘t Schoole » « Une loi pour nos langues régionales » « Een wet om nuuze streeketaelen » en oek doedelzakken, trommels en ael. D'ingevooisde menschen moeten oek nulder driekoleurde echarpen andoen.

De manifestaesjen gaet wandelen van den Rectoraet toet de Prefectuure van ten 10en toet ten 11en en half.

den Rectoraet

Om de dien die weunen in d'arrondissement van Duunkerke, je kut kommen mee den bus zounder te betaelen. Kykt maer hierounder om je t' inschryven.

Schryft maer of belt maer :
- an den Vlaemschen Boeken en Geschryften Center van d'ANVT 09 54 96 83 16
- an nuuze netbusse : infos@anvt.org
- of naer ANVT, Steihuus – Hotel de ville, 59670 Cassel.

Om mee den bus te kun kommen

Bus 1 :
Bollezeele, de platse, ten 8:00
Ekelbeeke, de platse, ten 8:15
Wormhout, de platse, ten 8:30

Bus 2 :
Noordpeene, de platse, ten 8:00
Kasselberg, « La Cornette », 8:20
Belle, de platse, 8:40
Niepkerke, de platse, 9:10

Bus 3 :
Duunkerke, theaeterplatse, ten 8:00
Bergen, staesjeplatse, ten 8:20
Steenvoorde, de platse, ten 8:45