Een Vlaeming van Looberghe(Fraansch Vlaenderen)

Elk een goen dag! ik gaen me beste doen om myn te voorstellen, maer vantevooren moen'k ik ghydder vermaenen dan 'k schryven hoe dan 'k kunnen.ik en hen nooit naer de schoole gewist om de Vlaemsche taele te stuudeeren.
Me voornaeme is Pierre, ik weunen te Looberghe, ik zyn geboortig van Pitgam.
Ik zyn vuuf en vichtig jaer oud, en weevaer vansichte 't jaer twee duuzend, me styl is apotheeker en ik werken te Groote Synten (Grande Synthe in 't Fraansch)
Ik zyn een grooten liefhebber van me moedertaele, en ik zyn preus van ze te kunnen klappen en een lytje schryven, 't is myn erfdeel enee!
myn hobbies zyn photos, hoevenieren, en veugels kweeken: vechthaens, hennen, turkhaens...ik hen oek twee koen op me weie
Kort en by: een simpel leeven!

Michel en weunt niet verre van 't mynnen, ik kunnen nhum wel
vandaege hen ik 't bezoek had van Mr Cyriel Moeyaert, hy waes met een maet van nhum: Mr Mark Ingelaere diet myn van deezen forum geklapt het, zoo, zyn 'k ik aelhier gekommen om een toertje te doen!

Verdikkelieng Looberghenaere, wellekommen aelhier! En 't Vlaems dajje ghy schryft kliengt styf goed!

Besten Looberghenaere,

Gy zyt styf wellekommen op nuus forum, en 't is goed da je al direct begunt te schryven.  Je kun't er vele op ving, 't is styf interressant.

Wy zijn ook styf goed ontvangen ewest in joen schoone hofstei 'Nachtegalenhof' en 't was een goed stik taerte.  
'k Zyn blijde van je te leeren kennen en om 'n nuze Vlaemsche moedertaele te kunnen klapp'n met joun.
Gy zyt te bedanken.

Dag Pierre,

Ik zyn ook apotheker, in Torhout, West-Vlaanderen, maar ik kom styf geerne naar Frans-Vlaanderen en ook styf dikwyls naar Wimereux by Boulogne.
Misschien kun we ook e lytje klappen van tyd tot tyd over de stiel, over apotheker zyn an deze kant en an den overkant van de schreve...

We zien Pierre op de video:

cornelis schreef:Een getuigenis :
"...'k zyn blydde van m'n taele t'helpen ooverleeven !
ik hen hope dat ze en gaet niet verdwijnen wi !..."

Opname 13 juni 2015

hallo,

ik kan geen vlaemsch schryven maar verstae alles...ik woon in willebroek...ik en verstoan al de fragmenten...plezant

Enorm bedankt om het verdwijnende Vlaams in verFranst Vlaanderen te archiveren, te 'verstenen', voor de toekomst.
http://vlaanderen.fr