Gedichten en toneel in het Frans-Vlaams

"Styntje" : Marie christine Lambrecht(links)
"Klerkt'je" : Raymond Declerck
Joël Devos
Jeanne Labaere(rechts)
En Jean-Louis Marteel (gezeten)

'K was aanwezig, maar waar..'K weet het niet meer..

Dank je !
Welk jaar is de foto gemaakt ?

"K weet het ook niet , maar voor 2005. (Klerk'tje is overleden in 2005)

Op de platse
Moederziel aleene op de platse,
Danst een meisje in de zunneschyn,
Vreemd ekleed lik eene Esméraldatsje
Snel en slank, ze draeit al opspringen..
Menschen en beesten zyn lam en vermoeid,
‘T is te heet in’t versmachtend lucht,
Deur de ruuten, ze zyn aal an’t loeren
Op ’t schoon meisje die danst in de zunne…

Refrain1
Altemetsen, voor nuuze ogen,
‘ T is een een wonder die opkomt
Voor de paster van me prochie,
’T is deur Onze Lieve Vrouwe ,
‘Tis een kindje ze’n eerst lachsje,
‘Tis een stuuver voor ‘n armen man,
Voor ’n dag, d’eerste zunnestrahlen
En ‘t is ’t regen voor een droog land.

Niemand komr uut om ‘t meisje te zien
’T is te heet; gloeind is de ground
Maer ze danst lik een riet in de wind,
Draeit en springt op neur bloote voeten!
Noch muzieke, noch muzikanten,
Om ’t schoon meisje te begeleiden,
Armen omhooge, ze klapt in neur handen:
De muzieke, z’houdt ze vast in neur eigen…R1


Op de rustige platse verhit,
Nu zingt ’t meisje een zo zoet gezang,
En dat liedje die zo schoon en vreemd is
Zwerft overal te velde en op ’t strand..
Maer in die stee, nieten goeds kut gebeuren,
En om dat liedje niet te moeten horen,
Sluuten de menschen vensters en deuren,
Ze zyn escheid, de levende en de dooden!

Refrain 2

Altemetsen, in nuus leven
‘T is een wonder die(t) opkomt
Maer me willen nieten dervan weten
En me bluuven blind en doof
En met ooren die niet en willen hooren
En met ogen die niet en willen zien,
Wynne gaet er van nuus bekomen,
Schamele lichams zonder ziele…

Nuw op de platze huult en hound,
want schoon meisje is wegegaen:
De beesten zyn de dood gewaere
…En me bekryschen nuuze toekomste …
Edmonde Vanhille (texte inspiré par "sur la place de J. Brel)

Wie is die Frans-Vlaamse dichter?
't is schoone, Vlamsch te klappen !

T'is nuuzen Jean- Noël Ternynck van Haezebrouck.

..Een gedichtje eschreven voor de oude getrouwde menschen die mekanders nog styf gern zien...En een gelukkig Kerstag voor Alleman!

Toet 't einde

Toet 't einde

Hoor je dat zo schoon gezang
Gunter, zo hoge in de lucht ?
Ik en gy, me lieven man
M' hen nog vele geluk !
« 'K zien je zo gern ! », zegt het zeere
'T leven is lik dat wit fyn zand
Ziet, me 'n hen der haest gein meer
'T lopt weg deur nuuze handen...

En 'n winter staet voor de deure
Om ik en gy me schoon lief
Me moe'n het toch niet betreuren
An me tegaere zyn !
Maer me zyn oud en versleten
Ja,nuuze steppen zyn te traag,
De liefde is toch niet verdwenen..
Neemt me in je aermen.

Wien gaet er 'n eersten voort gaen
Als het gy moet zyn, me ziele,
'K gaen de zeije vullen met me traenen
Zo alleene zyn !
Ik willen een hof vul met blommen
Purple, om een lasten tocht
En andere wit en blauw om
Men ogen te bezorgen !
Ed. Vanhille

Bedankt Metje Edmonde!

't styf schoone Edmonde...
'k Wens iedereen een gelukkig en zalig nieuwjaar, en nog vele jaren.

Charles de Croocq
Ma Flandre
Vervlamschinge Jacques Delafosse

Den vlaschaerd bezaeien
Om schoon vles te kommen
'T fyn lynzaed vliegt en speegelt
Valt en valt nog mee een zocht gerucht Op 't bruun en fyn emaekt land.
En den zaeier gaet oover den akker Den hand sterk en de voeten klibber Oover zoete of klytelanden,
De garrets vul ploois.
En hier en daer me eegden;
Van langte en van derweerts
En mee lichte snaksches
De eegde gaet, sleept en werkt 't zaed in.
Omdat de schoote van 't lynzaed
Deur 't karstje van 't land steekt
En tusschen de ruuken mit nhulder zwaere klompen uut kruupt,
Ze moet kruumig en fyn land vinden.
En nuu, den man die ael ziet in ze gepeinsen Een schoon heemelblaeuw tapyt
En ook een oopenbreëd stik vul ruup vles
Die angenaemig plooit onger de zommerwind.
Hy stept oover 't labeur,
Mit een geëstig vorhoofd en 't hoofd hooge Hy gaet alzo lange of at de zunne
Ze zaed doet glimpen en die nog altyd valt.
'T werk is opedaen en 't land
Die maer mei eëne maekt mit 't zaed Sluut 't in 't diepste van nheur lyf Om 't goed te doen kommen.

https://www.facebook.com/Dialectgenootschap-Bachtn-de-Kuupe-170242626348739/?hc_ref=PAGES_TIMELINE&fref=nf